Muganga Yolande Magonyagi ajejwe umugambi w’irondoka rijanye n’amagara meza mw’ishirahamwe mpuzamakungu rijejwe irwirirana ry’abantu (Fnuap),mu gihe hariko haratangwa ubushimwe Ku bamenyeshamakuru basumbije abandi mw’ihiganwa ryo gutanga inkuru zivuga ivy’irondoka rijanye n’amagara meza,mu cigwa yatanze avugako irondoka rijanye n’amagara meza ririko riratituka ,biturutse Ku bihuha ,Ku mico n’umugenzo ,n’ukwemera muvya masengero.
Uyo muhinga w’iryo shirahamwe mpuzamakungu aratanga ibiharuro yagize mu myaka ine iheze yavuzeko ibice vy’abapimisha vy’abakenyezi bipimisha imbanyi bikiri hasi .Mu mwaka w’2017 hipimishije ibice 37,9% ,mu mwaka wa 2018 hipimishije ibice 42,3% mu 2019 hipimishije ibice 40,6% mu 2020% nayo mu 2021 hipimishije ibice 40,3%
Muganga Yolande Magonyagi arongera akatanga ibiharuro vyo gutandukanya imvyaro biri hasi ,Aho mu 2017 abakoresheje uburyo bwo gutandukanya imvyaro mu 2017 bwari bugeze Ku bice 23,6% ,mu 2018 ,26,8% mu mwaka wa 2019 ari ibice 23% ,mu 2020 nayo mu 2021 ari ibice 21,5% .Ngo Igitangaje n’uko ibitigiri vy’abana bavuka biguma vyiyongera Ku munsi Ku munsi nk’uko bitangazwa n’ubushikiranganje muvyo bujejwe harimwo amagara y’abantu kuri uyo muhinga ngo birumvikanako hazoba irwirirana ry’abantu rizoja Ku murindi uteye ubwoba mu Burundi.
Muganga Yolande Magonyagi muri ico cirwa aboneraho n’ukuvuga ko ibitigiro vy’abavyeyi bitaba Imana bariko baribaruka biguma vyiyongera.Agatanga akarorero ko itera ry’umurindi w’amaraso munini rihitana abavyeyi Ku bice 36,3% indwara ya Malaria Ku bice 27,3% ,iziturutse Ku ndwara z’amahaha Ku bice 19% .
Muganga Yolande Magonyagi aranatanga uburorero butuma abavyeyi batitabira imigambi yo kwipimisha ,no gutandukanya imvyaro ari ab’ishimikiza imico n’umigenzo,ibihuha,hamwe n’inyifato zifatiye Ku madini,agasaba ubushikiranganji bw’amagara y’abantu, ibimenyeshamakuru,abafasha uburundi guhimiriza kw’ipimisha mu gihe umukenyezi afise imbanyi,hamwe n’irondoka rijanye n’amagara meza kugira birinde imvyaro z’intahekana Ku neza y’imiryango n’igihugu
